Jo chalay to Jan Se Guzar gay

Jo mere naseeb ke harf they
Woh mere liye na likhey gaye
Tera humsafar yeh dua kare
Hai Jahan bhi khush tu wahan rahey
Tera saath chalna Muhaal tha
Jo ruke to saansein thehar gaye
Yeh junoon e Manzil e ishq hai
Jo chalay to jaan se guzar gaye
Advertisements

Main aiyna tha, woh maira khayal rakhti thi,

Main aiyna tha, woh maira khayal rakhti thi,
Main toot-ta tha to chun kar sambhal rakhti thi..

Har aik maslay ka hal nikal rakhti thi,
Zaheen thi, mujhay hairat main daal rakhti thi..

Main jab bhi tark-e-taluq ki baat karta tha,
Woh rokti thi mujhay, kal pay taal rakhti thi..

Woh mairay dard ko chunnti thi apni pooron say,
Woh mairay wastay khud ko nidhal rakhti thi..

Woh dobnay nahi daiti thi dukh kay darya main,
Mairay wajood ki naow uchaal rakhti thi..

Duain us ki balaon ko rook laiti thin,
Woh mairay chaar so hathon ki dhaal rakhti thi..

Ik aisi dhun kay nahi phir kabhi main nay suni,
Woh munfarid sa hansi main kamal rakhti thi..

Usay nadamatain mairi kahan gawara thin,
Woh mairay wastay asaan sawal rakhti thi..

Bichar kay uss say main dunya ki thokaron me hon “Mohsin”,
Woh pass thi tau mujhay lazawaal rakhti thi..